Kalmomi biyu da a wasu lokuta suke yin wuyar fahimta ga masu
koyon harka Web Design (ko kuma Web Development) sune HOSTING da kuma DOMAIN.
Shin minene ma’anar HOSTING da kuma DOMAIN? Mi ya bambanta su? Kuma mi ke
amfanin ko wanensu a harkar Web Design?
A kasidarmu ta wannan lokaci, zamu war-ware muku zare da
abawa dangane da wadannan kalmomi guda biyu.
A cikin wasu kasidojinmu da muka kawo muku a baya, mun yi
jawabi akan cikakkiyar ma’anar website da kuma abubuwan da suka hadu domin bada
website din baki dayansa (Taba nan domin karanta wannan kasida). Kamar yanda
muka fada a cikin waccan kasidar, akwai abubuwa da dama da suka hadu suka bada
website. Wadannan abubuwa kuwa sun hada html
files din da aka yi amfani wajen tsara shafukan site din, hotuna ko kuma pictures
da aka yi amfani da su, videos da aka sanya da dai sauran abubuwan da za’a iya
samu a cikin website.
Shin dukkanin wadannan abubuwan da muka zayyana a ina ne mutum ke ajiye
su? Kuma ta yaya
sauran mutane ke iya ganinsu bayan ka sanya su a cikin website
din?
Hanyar da ake bi wajen dorawa ko kuma yin uploading din duk
wasu abubuwa da website ke bukata ko kuma abubuwa da suka hadu suka bada
website (kamar html, css, pictures, videos, rubutu da dai sauransu) ita ce ake
kira da HOSTING. Ma’ana hosting na nufin dora website da kuma
kayayyakinsa a saman internet.
Kamar yanda mafi yawancin mutane ke yi, idan suna bukatar
hada website sukan fara designing din sa ne a cikin computer dinsu (wato
offline ke nan). Bayan sun kammala designing ko kuma hada shi wannan website
din (wato sun kammala designing na website din tare da sanya duk wasu
abubuwansa a ciki), to mataki na gaba shine su dora website din a saman
internet (wato online ke nan). Ita
wannan hanya da ake bi wajen dora website a saman internet shi ake kira da HOSTING.
To bayan kuma ka dora website a saman internet ta yaya za’a yi mutune su
iya ganin wannan website din naka?
Hanyar da mutum zaya bi domin tabbatar da cewa za’a iya gani
ko kuma ziyartar website dinsa shine ta hanyar samawa website dinsa abin da ake kira da DOMAIN name. Shi Domain
Name shine ke matsayin address din da za’a iya bi domin gano inda website din
yake a saman internet. Zamu iya alakanta HOSTING da wayar hannu (ko kuma mobile
phone), DOMAIN name kuma zamu iya alakanta shi da lambar waya ( ko kuma SIM
card). Idan ka sayi wayar hannu (ko kuma idan kayi hosting) to dole ne ka sayi
layi domin mutane su yi amfani da wannan lambar layin domin samunka (wato a nan
ma dole ka yi amfani da Domain name domin bayyana address din da za’a bi domin ziyartar shafinka
na internet).
Domain name da
kuma Hosting akwai na kudi akwai na
kyauta. Mafi yawancin kamfanonin da ke bayar da free Domain suna bayar da free
Hosting.
Misali Blogger yanda bayarda da free Hosting
(inda mutum zaya iya dora files da sauran abubuwa a cikin website), suna kuma
bayar da free Domain (wato address din website din, wanda ke karewa da .blogspot.com ). Akwai kuma Wapka wanda shima yana bada free Domain ( .wapka.com) da kuma free hosting inda mutum zaya iya dora files
dinsa.
Akwai kuma website da suka kware wajen harkar siyar da
Hosting da kuma Domain name (misali Bluehost, Web4Africa da dai sauransu), inda
mutum zaya siya akan wasu kudi, su kuma sais u bashi wannan domain da kuma
hosting din na dan wani lokaci (misali shekara guda).
Bambancin free da kuma na siya a nan shine, na free ba zaya
baka dam aka yi duk wani abun da ka bukata ba, a yayin da kuma na siya zaya
baka dama ka yi design tare da tsara website dinka yanda ka bukata.
Comments
Post a Comment